Оросын ерөнхийлөгчийн сонгуулийн кампанит ажиллагаа шувтарч байна. Сонгуулийн өмнөх долоо хоногт хэвлэл мэдээллийн хэрэгсэл улс орныхоо улс төрийн байдлыг үнэлж, хэтийн төлөвийг таамаглаж байна. Ерөнхийлөгчийн сонгуульд нэр дэвшигчид түшиг тулгуур, мөрийн хөтөлбөрөө тодорхойлж,засаг захиргаа, бие биедээ зэмлэл тулган  илэрхийлээд байна гэж «Независимая газета» сонинд бичжээ.

3-р сарын 4-нд болох ерөнхийлөгчийн сонгуультай холбоотой санал асуулгын үр дүн, таамагнал ба өөр судалгааны үр дүнг нийтлэхийг хориглосон ёс журам Орос улсад тогтов.Энэ ёс журам  сонгогчдын санаа бодолд ямар нэг нөлөө үзүүлэхээс сэрэмжлэнэ. Санал хураалтын өмнөхөн бямба гаригт тайван сонголт хийх боломж иргэдэд олгохын тулд нэр дэвшэгчдийн төлөө ухуулгын ямар ч хэлбэрийг хориглоно.

Ерөнхий сайд, ерөнхийлөгчид нэр дэвшигч Владимир Путин ОУ-ын гадаад бодлогын тэргүүлэх чиглэлийг баталлаа. Москвагийн байр суурийг тооцон үзэх шаардлагатай гэдгийг барууны түншүүддээ тэрээр анхаарууллаа. 3-р сарын 4-нд товлоод байгаа ОУ-ын ерөнхийлөгчийн сонгууль болохоос хэдхэн хоногийн өмнө түүний  “Орос орон ба өөрчлөгдөж буй дэлхий ертөнц” өгүүлэл нь нийтлэгдлээ.

ОУ-ын ерөнхийлөгчийн сонгууль болохоос долоо хоногийн өмнө хүрхэд бэрх нутгуудад урьдчилсан санал хураалт болж байна. 94 сонгогч амьдран суугаа Алтайн хязгаарын 4 алслагдсан суурин газарт урьдчилсан санал хураалт боллоо. Эдгээр сонгогчидод хүрхийн тулд сонгуулийн комиссийн гишүүд цаснаа явагч болон газар уснаа явагчаар хэдэн зуун километр цаст тайгын замыг туулсан байна.

Санкт-Петербургт бямба гаригт болсон цуглаанд оролцогчид 3-р сарын 4-нд сонгуулийн хэсэг дээр очиж ажиглагчаар ажиллахыг өөрийн талынхандаа уриаллаа. Мөн шудрага сонгууль явуулахыг шаардсан тогтоол баталсан байна. Цагдаагийн газрын мэдээлж байгаагаар эсэргүүцлийн жагсаалд 2500 орчим хүн оролцсон байна. Цуглаанд 15 мянга орчим хүн оролцсон гэж зохион байгуулагчдын нэг нь мэдэгджээ.

Өнөөдөр сөрөг хүчний төлөөлөгчид Москва хотын төвд шудрага сонгуулийг хамгаалахын төлөө жагсаал хийнэ. Мөн өнөөдөр ОХУ-ын ерөнхийлөгчид нэр дэвшигч, ерөнхий сайд Владимир Путины талынхан оросын далбааны өнгөтэй тууз тарааж, Путинг дэмжсэн зурагт хуудас барьж зургаа авахуулахаар төлөвлөж байна. Сөрөг хүчний ажиллагаа “Том цагаан тойрог” гэсэн нэртэй юм.

ОУ дахь сонгуулийн өмнөх кампанит ажил төгсгөлийн шатандаа орлоо. Үндсэн нэр дэвшигчдийг дэмжсэн өргөн хэмжээний хэд хэдэн ажиллагаа өнгөрсөн долоо хоногт Москвад боллоо. Владимир Путинг дэмжсэн жагсаал цуглаан хамгийн олон хүнийг хамарлаа. Ажиглагчдын болон сонгогчдын олон тооны нэгдлүүд бас сонгуульд бэлтгэж байна.

Өнөөдөр Орост нийт үндэсний баяр - Эх орноо хамгаалагчийн өдрийг тэмдэглэж байгаа өдөр сонгуулийн өмнөх цуглаан томоохон хотуудад хийжээ. Хамгийн олон хүн оролцсон цуглаан Москвад боллоо. Владимир Путины талынхан олимпийн «Лужники» цогцолборт цугларсан хийгээд нийслэлийн төвд Либерал-ардчилсан намын удирдагч Владимир Жириновский, коммунистуудын тэргүүн Геннадий Зюганов нарыг дэмжигчид цуглаан хийлээ. Оросын ерөнхийлөгчийн сонгууль эхэлтэл арваад хоног үлдээд байна.

  ОХУ-ын ерөнхийлөгчийн албан тушаалд нэр дэвшсэн ерөнхий сайд Владимир Путин өөрийн талынхандаа хандан нэгдэн нягтарч, улс орныхоо дотоод хэрэгт хөндлөнгөөс оролцох ажиллаганаас сэргийлэн сэрэмжлэхийг уриалав. «Хэн нэгнээс  өөрийн хүсэл эрмэлзлэлийг бидэнд тулгаж хүлээлгэхийг хүлцэхгүй. Манай орны хүн бүр нанжин сэтгэл, ёс журмыг баримтлан  амьдраасай. Тэгвэл бид улам хүчтэй болно.

Өнөөдөр Эх орноо хамгаалагчийн өдөр Москвад улс төрийн томоохон дөрвөн арга хэмжээ нэг зэрэг явагдана. ОХУ-ын ерөнхийлөгчийн албан тушаалд нэр дэвшсэн ерөнхий сайд Владимир Путины талынхаен Фрунзенская эргийн гудамжаар яваад «Лужники» спортын цогцолборт цуглаан хийнэ. Бараг 100 мянган хүн арга хэмжээнд оролцох асуудлыг Москва хотын захиргаантай уялдуулан зохицуулсан байна.

2-р сарын 23-нд Орос улсад хамгийн сайхан баярын нэг болох Эх орноо хамгаалагчийн өдрийг тэмдэглэж байна. Өнөөдөр ерөнхийлөгч Дмитрий Медведев  Нэр нь тодроогүй цэргийн булшинд хэлхээ цэцэг өргөх ёслолд оролцож, цэргийн гавьяаны цол хүртээх жуух бичиг Ломоносов, Ковров, Таганрог, Камчаткийн Петропавловск хотын төлөөлөгчдэд  гардуулав.

ОХУ-ын ерөнхийлөгчийн сонгуулийн санал хураалт  өнөөдөр БН Алтай Улсын алслагдсан хүрэхэд хэцүү нутагт хугацаанаас өмнө эхлэв. Өнөөдөр манай орныг Хятад, Монгол хоёр улстай  залгадаг хил хамгаалж буй өндөр уулын хоёр заставын цэргийн албан хаагчид санал өгөх боломжтой байна. Санал хураах хайрцагийг нисдэг тэргээр хилчдэд хүргэв.

Ерөнхийлөгчийн сонгуулийн явцын тухай мэдээллийг хүлээж авах ОХУ-ын Сонгуулийн төв комиссын Мэдээллийн төвд 2000 орчим сэтгүүлч томилогдоод байна. Сонгуулийн төв комиссын тэргүүн Владимир Чуров бага, дунд бизнесийг төлөөлсөн сонгогчидтой уулзахдаа  энэ тухай мэдээлэв. Чуровын хэлснээр бол оросын сэтгүүлчид сонгуулийн явцыг Мэдээллийн төвийн нэвтрүүлгээр ажиглах дуртай байна.

”Сүүлийн дөрвөн жил би улс-төрийн системийн зарим хэсгүүдийг өөрчилж байсан бол харин одоо үүнийг илүү идэвхитэй хийх цаг нь ирсэн”. Үүнийг  Дмитрий Медведев улс-төрийн албан бус намуудын удирдагчдад хандан хэлсэн юм. Уулзалт  2-р сарын 20-нд Москвад болсон юм.

Ерөнхийлөгчийн сонгуулийн өмнө улс төрийн идэвхижил дээд цэгтээ хүрч байна гэж шинжээчид ярьцгааж байна. Кремлийн талыг баримтласан “Залуу Орос орон” хөдөлгөөн, сөрөг хүчний “Сонгогчдын Лиг” байгууллага хоёр 3-р сарын 4, 5-нд цуглаан хийх газраа булаалцалдаж байна. Хоёр хөдөлгөөн хоёулаа Москвагийн төвд Лубянын талбайд жагсаалаа хийхийг хүсч байна. Энэ газрын төлөө тэмцэл үргэлжилсээр байна.

ОУ-ын ерөнхийлөгчийн сонгууль хүртэл хоёр долоо хоног үлдлээ. Өнөөдөр бүх оросын нэгэн сонинд уламжлал ёсоор В.Путины өгүүлэл гарлаа. Ерөнхийлөгчид нэр дэвшигчдийн нэг ерөнхий сайд энэ удаагийнхаа өгүүлэлээ үндэсний аюулгүй байдал ба армийн ирээдүйд зориулсан байна. В.Путин зургаа дахь удаагийнхаа хөтөлбөрийн өгүүлэлээ “Хүчирхэг байх нь ОУ-ын үндэсний аюулгүй байдлын баталгаа” гэж гарчигласан байна.

Оросын сөрөг хүчний эсэргүүцлийн ажиллагаа өнгөрсөн долоо хоногт орон зайд үргэлжиллээ. Энэ орон зайд ням гаригт болох сөрөг хүчнийхний машины цуваа болон 2-р сарын 26-нд хийхээр төлөвлөж байгаа “Цагаан цагираг” ажиллагааны тухай эрчимтэй мэдээллээ. Одоогийн төр засгийн талынхан эхлэж цохилт өгөхөөр бэлтгэж байгаа ба тэдний жагсаал цуглаан 2-р сарын 23-нд болно.

Москвад анх удаа сонгуулиас хэдхэн хоногийн өмнө сонгуулийн санал хураах бэлтгэл ажлын дасгал сургуулилиыг зохион  явуулна.   “Нээлттэй хаалгаар ”  сонгуулийн санал хураалтыг зохион явуулах болон техникийн  ажиллагааны дүрэм журамтай танилцуулах юм.  Бүх хүмүүст санал хураалтанд оролцох боломжтой бөгөөд сонгуулийн дүн гаргахыг  камераар ажиглаж болох юм. Веб камерууд тестийн дэглэмд ажиллах болно.

ОХУ-ын ерөнхийлөгчийн албан тушаалд нэр дэвшсэн ерөнхий сайд Владимир Путиныг дэмжсэн  жагсаал цуглаан өнөөдөр Орос даяар болсон тухай оросын мэдээллийн агентлагууд уламжлав.Ялангуяа Алс Дорнод, Сибирийн хотуудын оршин суугчид ийм арга хэмжээнд идэвхтэй оролцов. Хүйтэн байсан ч зарим хотод Путины талыг баримтласан 3-12 мянган хүн «Тогтвортой байдлын төлөө» ерөнхий уриан дор болсон цуглаан жагсаалд оролцсон байна.

Өнөөдөр гадаадын орнуудад Орос улсын ерөнхийлөгчийн  сонгуульд урьдчилан санал өгөх сонгуулийн хэсгүүд оросын зарим сонгогчдод зориулагдан байгуулагдана.  Анх түрүүнд Болгарт байгаа оросын иргэд саналаа өгнө.  ОХУ ын СТК- ийн мэдээлснээр, Оросын төрийн тэргүүний сонгуульд урьдчилан санал өгөх боломжоор   дэлхийн 58 оронд амьдарч байгаа оросын иргэд хангагдаж байгаа юм.