×
Геополитик, 2012
Японы парламентын сонгуульд тэргүүлсэн Либерал-ардчилсан намын удирдагч Синзо Абэ бүс нутаг дахь Хятад улсын геополитикийн гол өрсөлдөгч - АНУ-тай цэргийн эвслээ бэхжүүлэх бодолтой байна. Тэрээр АНУ-ын ерөнхийлөгч Барак Обаматой утсаар ярьж, энэ тухай мэдэгдэв. Зүүн Хятадын тэнгисийн маргаантай арлуудын асуудлаар Хятад улстай хэлэлцээ огт хийхгүй гэсэн Японы удирдагчийн мэдэгдэл Азид үр нөлөөний хүрээний төлөө тэмцэл эрс хурцдахыг дохиолон харуулав.
Ерөнхийлөгч Путины заавраар боловсруулж бэлтгэсэн «ОХУ-ын гадаад бодлогын үзэл баримтлалын» төсөл оросын хэвлэлийн хүртээл болсон байна. Үнэн чанартаа энэ баримт бичиг бол 2018 оны ерөнхийлөгчийн ээлжит сонгууль хүртэлх улс орны гадаад улс төрийн мөрийн хөтөлбөр юм. Орос улс олон улсын харилцаагаа дэлхий дахины өнөөгийн тогтонги биш нөхцөл байдалд төлөвшүүлж байгааг баримт бичигт заажээ.
БНАСАУ-ыг хөршүүдтэйгээ харилцаагаа намжаах асуудлаар зуучийн үйл ажиллагаа явуулж байгаа Монгол улсад шинжээчид анхаарлаа хандууллаа.11-р сард Улаанбаатарт умард-солонгос-японы хооронд хулгайлагдсан Японы иргэдийн тулгамдсан асуудлаар зөвлөлдөх уулзалт явагдсан. Монголын удирдлага БНАСАУ цөмийн асуудлаар зургаан талт хэлэлцээрийг сэргээхэд дэмжлэг үзүүлэхэд бэлэн байгаагаа мэдэгдсэн.
Шувтарч байгаа энэ он Азийн хувьд таагүй болов. Энэ онд нутаг дэвсгэрийн асуудал хурцдаж, хэдэн улс хоорондын харилцаа түгшүүртэй болов. Сенкаку арлуудын тойрны Япон, Хятадын хоорондын нутаг дэвсгэрийн маргаан үүний тод жишээ болсон. Энд байдал адгийн муу чиглэлээр хөгжиж, хяналтаас гарах гэж байна. Сенкаку (Дяоюйдао) арлуудын төлөө Япон улстай маргалдаж байгаа түүхэнд анх удаа хятадын талаас нисэх онгоц хэрэглэж эхлэв.
Өмнөд Хятадын тэнгист Хятад улсын зузаатгаж байгаа сүр хүчийг сөрөн зогсвол Японд зэвсэгт хүчин байгуулах саналыг Филиппин улс дэмжинэ. Эдүгээ Ази Номхон далайн бүс нутгийн байдал бүс нутагт тэнцвэр тогтоох буурьтай хүчин зүйлийг шаардаж байна. Япон улс тийм хүчин зүйл болж мэднэ гэж Филиппиний ГХ-ийн сайд Альберт дель Росарио британийн « Файнэншл таймс» сонинд өгсөн ярилцлагдаа онцлов.
Япон улс ПДХ «Пэтриот» зенитийн цогцолборыг Зүүн Хятадын тэнгисийн арлуудад байрлуулав. Энэ нь БНАСАУ-аас хөөргөх гэж байгаа алсын тусгалтай пуужин амдан сөнөөх бэлтгэлтэй холбоотой гэж Токио тайлбарлав. Гэвч Японы батлан хамгаалах чадавхи болон АНУ-тай цэргийн хамтын ажиллагааг бэхжүүлж байгаа нь Хятадын цэргийн сүр хүч зузаархаас эмээх явдалтай бас холбоотой гэж шинжээчид үзэж байна.
Сенкаку (Дяоюйдао) арлуудын талаархи АНУ-ын сенатын байр суурь БНХАУ-ын эрх баригчдын сэтгэлийг түгшүүлж байна. Эдгээр арлыг аюулгүй байдлын тухай америк-японы гэрээний үйл ажиллагаанд хамруулахыг Бэээжин эсэргүүцэж байна. Харин Өмнөд Хятадын тэнгист хууль бус шилжин орох хөлөг онгоцуудыг шалган үзэх шийдвэрээ тайлбарлаж өгөхийг АНУ Бээжингээс шаардав. АНУ-ын ийм ажиллагаа бүс нутгийн байдлыг тогтворгүй болгож мэднэ гэж Бээжин үзэж байна.
ШХАБ-ын хүрээнд худалдаа, хөрөнгө оруулалтын хэлхээ холбоог давшингуй хөгжүүлэхийг Оросын засгийн газрын тэргүүн Дмитрий Медведев уриалав. Тэрээр Киргизийн нийслэл Бишкек хотноо ШХАБ-ын гишүүн орнуудын засгийн газрын тэргүүн нарын зөвлөлийн хуралдаан дээр энэ тухай мэдэгдэв. Гишүүн орнуудын үйл ажиллагаа түүний дотор эдийн засгийн бодлогын зохицуулалтыг боловсронгуй болгох нь зайлшгүй чухал гэж Оросын ерөнхий сайд үзэж байна.
ШХАБ ба БРИКС бүлгийн банкуудыг байгуулах санхүү-эдийн засгийн үндэслэлийг гүйцээж боловсруулахыг Орос, Хятад улсууд уриалав. Эдгээр төсөл 12-р сарын 5-нд Бишкекэд ШХАБ-ын гишүүн орнуудын засгийн газрын тэргүүн нарын зөвлөлийн хуралдаан болон 3-р сард Преторид БРИКС бүлгийн дээд хэмжээний уулзалт дээр эн түрүүнд гарах юм.
АНУ-ын БХЯ-ны тагнуулын газар тэртэй тэргүй өргөн цар хүрээтэй үйл ажиллагаагаа өргөжүүлж байна. Пентагон гадаадад ажиллаж байгаа тагнуулчдынхаа тоог хэд дахин нэмэгдүүлэхээр төлөвлөжээ. Тухайлбал АНУ-ын тагнуулын газар Иран, Хятад, Умард Солонгост үйл ажиллагаагаа өргөжүүлнэ. Америкийн цэргийнхэн Ойрхи Дорнодод дур зоргоор авирлаж, «Аль-Каидаг» эрэн мөрдөж, бүс нутгийн тэн хагасыг сүйрэхэд хүргээд шинэ шинэ объектийг эрж эхэллээ.
Өмнөд Хятадын тэнгист түгшүүртэй байдлыг гааруулж байна гэж Манил Бээжинг зэмлэв. Филиппиний ГХЯ-ы тэргүүн Альберто дель Розарио хятадын эргүүлийн гурван хөлөг онгоц Скарборо (Хуанъяньдао) усан дорхи хадны ойролцоо байгааг «дарангуйлагчийн зан үйл» гэжээ. Энэ нь хоёр талын харилцааг цаашид хурцатгахаас сэрэмжлэхэд чиглэгдсэн Филиппиний дипломат хүчин чармайлтыг бусниулж болзошгүй гэж сайд болгоомжилж байна.
Маргаан үүсгэсэн нутаг Хятадын нутаг дэвсгэрийн нэг хэсэг хэмээн тус улс үзэж байгааг газрын зураг бүхий хятадын шинэ паспорт нотлон харуулав. Энэ газрын зурагт Өмнөд Хятадын тэнгисийн арлууд болон хятад-энэтхэгийн хил орчмын маргаантай бүсийг Хятадад хамруулжээ. БНХАУ-ын ГХЯ-ны сүүлчийн мэдэгдэл Бээжингийн энэ алхамыг хамгаалж байна. Гэвч хятадын паспортын загвар азийн хэдэн улсад зэвүүцэл төрүүлэв.
12-р сарын 6-нд Монгол улс Европын аюулгүй байдал, хамтын ажиллагааны байгууллагын бүрэн эрхт гишүүний хувьд сайд нарын хуралдаанд анх удаа оролцоно. Монгол улс гадаад харилцаагаа өргөжүүлэх хүрээнд Европын аюулгүй байдал, хамтын ажиллагааны байгууллагад элссэн юм.
Хятадын сөнөөгч онгоцыг «Ляонин» нисэх онгоц тээгч хөлөг онгоцон дээр буулгаж нисгэх туршилт Вашингтоныг бухимдуулав. Хятадын цэргийн сүр хүчнийг зузаатгаж байгаа нөхцөлд Азид холбоотнуудаа цаашид дэмжинэ гэж АНУ-ын Төрийн департаментын албан ёсны төлөөлөгч Виктория Нуланд мэдэгдэв. Бүр шаардлагатай тохиолдолд зохих алхам хийнэ гэж тэрээр айлган сүрдүүлжээ.
БНАрдчилсан Конго Улсад хийж байгаа иргэний дайн дэлхий даяар сая сая гар утас, компьютер хэрэглэгчэдэд хор уршигтай болж мэднэ. Тус улсад олборлож байгаа танталыг орчин цагийн техникийн үйлдвэрлэлд хэрэглэдэг. Конго улсын байдал орон нутгийн мөргөлдөөн огт хамаагүй маш олон хүний амьдралд нөлөөлөх асуудлыг эргэцүүлэн бодоход хүргэв. БНАрдчилсан Конго Улсад цуст ажиллагаа өдрөөс өдөрт гаарч байна.
Сенкаку арлуудын тойрны байдал Япон, Хятадын хоорондын харилцааг мухардмал байдалд оруулав. Ийм байдлаас гарахын тулд хоёр орны дипломат ажилтан, улс төрчид цэцэн мэргэн тодийгүй нэлээд зоримог бодлого явуулах ёстой.
Зүүн-Азийн ДХУ бол АНД-н бүсийн улс-хоорондын харилцан ажиллагааны системийг бүрдүүлэх гол хэсэг юм. АНД-н бүс нутаг нь эвсэлээс гадуур, хуваагдашгүй аюулгүй байдлын шинэ бүтцийг бий болгоход тохиромжтой болоод байна. Энэ тухай ОХУ-ын ГХЯ-ны тэргүүн Сергей Лавров Пномпеньд болсон Зүүн-Азийн ДХУ дээр хэлсэн үгэндээ тэмдэглэв.
Хятадын нэрд гарсан шинжээч Бээжингийн нэгэн адил нутаг дэвсгэрийн асуудлаар Токиотой маргалдаж байгаа Москва, Сөүлд хандан Японы эсрэг нэгдсэн фронтыг байгуулахыг уриалав. Фронтын зорилго дэлхийн 2-р дайны үр дүнг хүлээн зөвшөөрч, хөрш зэргэлдээ орнуудын нутаг дэвсгэрт өнгөлзөхөө болиход Японы удирдлагыг албадахад оршино. БНХАУ-ын ГХЯ-ны дэргэдэх Хятадын олон улсын судлалын хүрээлэнгийн дэд ерөнхийлөгч Го Сяньган мөн санал дэвшүүлжээ.
Өнөөдөр Израилийн цэрэг Газын зурваст 100 орчим байг дайрав. Тус улс цэргээ Газын зурвасын хил руу татан шилжүүлж, тэнд цэргийн ажиллагаа явуулж болзошгүй. Арабын орнуудын холбооны яаралтай хуралдаан 11-р сарын 17-нд Каирт хийлгэхээр товлов. Палестин, Марокко, Египетийн шаардлагаар хийлгэсэн НҮБ-ын АЗ-ийн хаалттай яаралтай хуралдаан буурьтай үр дүнд хүрсэнгүй. Ямар ч мэдэгдэл гаргаагүй байна.
АНУ-ын ерөнхийлөгч Барак Обама 11-р сарын 19-нд Мьянмад айлчилна. Америкийн төрийн тэргүүн тус улсад түүхэнд анх удаа айлчлах юм. Барак Обама улиран сонгогдсноосоо хойш чухам Зүүн-өмнөд Азид айлчлах нь тэмдэглүүштэй гэж ажиглагчид тэмдэглэв. Үнэн чанартаа АНУ-ын ерөнхийлөгч Мьянмаас гадна бүс нутгийн өөр улсуудад бас айлчилна.
Өмнө нь
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31
Нэгдүгээр сар 2012
Үйл явдлын хуанли
Нэгдүгээр сар 2012
1
2
5
6
8
9
11
13
14
15
16
17
19
20
21
22
24
25
27
28