Хэлний олон төрөлд  дэлхийн ургамал болон ан амьтны нэгэн адил устаж алга болох аюул учраад байна. Энэ байдлыг аврахын тулд НҮБ-ын ЮНЕСКО –гоос Олон улсын төрөлх хэлний өдрийг тэмдэглэхээр болжээ. Энэ өдрийг 2-р сарын 21 нд тэмдэглэх болсон төдийгүй, тухайн өдөр хагас зуун жилийн тэртээх өдрийг дурсан тэмдэглэх аж.

Загварын ертөнцийн нэрт GUCCI оросын нэрт   “Непоседы”  хөгжмийн хамтлагийн 20 жилийн ойг тэмдэглэх юм. Кремльд болох хүүхдийн хамтлагийн тэмдэглэлт ойн концертод зориулан италийн загвар зохион бүтээгчид тусгай иж бүрдэл  хувцас оёж өгөх юм. Энд гайхах юм огтхон ч үгүй.

Орос Улсад Нарны аймгийг судлах сансарын аппаратыг зохион бүтээж байна. Ингэснээр оддын зураг авалт нь  гайхалтай өндөр хэмжээнд  явагдах боломжтой юм. Уг төсөл нь “Сансарын суурь судалгаанд зориулсан сансарын бага оворын төхөөрөмжүүд” хөтөлбөрийн хүрээнд хэрэгжиж байна.

Америкийн иргэн Стивен Гайгер “Сколково”гийн шинэтгэлийн төвийн удирдагчаар ажиллана. Тэр технологийн шинэтгэлийн ажлыг зохион байгуулна. Сангийн үндсэн  Топ-менежерүүд  томилогдсон 2010 оны 11 сар хүртэл түүний ажлын байр эзэнгүй л байв.Харин одоо бол шинжээчдийн мэдэгдэж байгаагаар Сколково нь  үйл ажиллагаагаа бүрэн дүүрэн хэрэгжүүлэх боломжтой болоод байна.

«Явган цэргийн хороо болгонд тус бүр хууртай гадаадын нэг жимбүүр хөгжимчин болон 8 жимбүүртэй орос хөгжимчин, 16 бөмбөрчин... байгуулах» Петр Хааны Зарлигаар анх оросын Цэргийн-найрал хөгжмийн түүх ийнхүү эхэлжээ. Энэ бол 1711 оны 2-р сарын 19 ны өдөр байлаа.

ГЛОНАСС системийг Арктикад туршиж байна. Оросын эргээс Хойд туйлыг далайн хөвөгч мөсөөр дамжин Канадын эрэг хавийн нутагт хүрэх  «Туйлын цагариг» экспедицийн үйл ажиллагааны явцад түүнийг турших юм. Оросын газар зүйн нийгэмлэгийн далбаа бүхий дэлхийг тойрох аялал  Хойд Газрын Дунд олтригт эхлэнэ.

Оросын Алс Дорнодын тэнгэрийг илүү сайн хамгаалах. С-400 оросын цоо шинэ зенитийн пуужингийн системээр зэвсэглэсэн гуравдахь хороог  Дорнодын цэргийн тойрогт байрлуулахаар шийдвэрлэжээ. Эдүгээ С-400 зенитийн пуужингийн систем бүхий нэг хороог  Москвагаас зүүн чигт 50 км зайтай байрлуулсан байна. Хоёрдохь хороог бүр 3-р сард нийслэлээс хойно Москва орчмын Дмитровод байрлуулахаар төлөвлөжээ.

Орос Улсын “Яндекс” болон “Касперскийн Лаборатор” хоёр компани нь АНУ-ын Fast Company сэтгүүлийн хийсэн судалгаагаар дэлхийн шинэтгэлийн компаниудын “ТОП-50” багтжээ. “Яндекс” Оросын хайлтын компани рейтингийн  26-д оржээ. Сэтгүүлийн төлөөлөгчдийн тайлбарлаж буйгаар , Яндекс нь дэлхийд нэртэй “Google”тэй өрсөлдөхүйд төдийлөн олон бус компаниудын нэг юм.

”Сколково” шинэтгэлийн төв нь швейцарийн “Технопарк Цюрих"-ийн” шинжээчидтэй хамтран  ажиллана. Ингэснээр 30 гаруй компанийг нэгтгэсэн сколковын төсөл техникийн хөгжлийн хөрөнгө оруулалтын зах зээлийн тэргүүлэгчдын нэгтэй түншлэхээр боллоо. Швейцарийн мэргэжилтнүүд шинэ технологийг нэвтрүүлэх арилжааны системийг байгуулахаар зорьж байна.  АНУ, Израиль болон бусад орнуудын шилдэг технологитой танилцсаны үр дүнд Цюрихийн энэ загвар шалгарчээ.

Сибирийн Омск хотын  иргэн Анатолий Коненко цайны хоёрхон халбага ус багтах дэлхийн хамгийн жижиг аквариумыг бүтээжээ. 30х24х14 мм хэмжээт  дөрвөлжин шилд 10 мл ус багтана. Дотроо жижиг амьд загас, элс, өнгө өнгийн жижиг чулуу, замагтай. Түүнээс гадна жижиг аквариум ус цэвэрлэх шүүртэй. Энэ хосгүй бүтээлийг хийхэд хоёр долоо хоног шаардагджээ.

"Элсэн цөлийн хаан"  “Дакар-2011” уралдааны дараа хаан ширээгээ орхин явлаа. Дэлхийн нэрт автомашин жолоодогч, авторалли уралдааны долоон удаагийн дэлхийн аварга, “Камаз-мастер” багийн нисэгч Владимир Чагин    ийнхүү зодогоо тайллаа. “Дакар” бол манай багийн түүхэнд хамгийн дээд амжилт боллоо гэж Владимир Чагин яриагаа эхэллээ.

Новосибирскийн эрдэмтэд зорчигчдод үзлэг хийж, тэсрэх бодис, сэжигтэй  эд зүйлийг агшин  зуур олж илрүүлэх сканер зохион бүтээжээ. Шинэ төхөөрөмж Новосибирскийн Толмачёво олон улсын нисэх онгоцны буудал, Санкт- Петербургийн Пулковод ажиллаж байгаа бөгөөд олон улсын зах зээлд эрэлт хэрэгцээтэй байна.

Зөвлөлтийн эртний бэлэгдэл болсон Бүх оросын үзэсгэлэнгийн төвийг буурьтай засварлаж шинэчлэнэ. Урьд нь түүнийг Улс ардын аж ахуйн амжилт ололтын үзэсгэлэн гэж байсан. Сэлбэн шинэчлэх ажилд 120 тэрбум орчим рубль буюу 4 тэрбум  доллар  зарцуулна. Оросын тэргүүн дэд ерөнхий сайд Игорь Шувалов  энэ ажилллагааг хариуцах юм.

Оросод удахгүй жинхэнэ алтны хумхаа эхэлж магадгүй. Хууль тогтоогчид «Газар доорхи баялагийн» тухай хуулинд Оросын иргэдэд алт олборлох эрхийг олгосон  өөрчлөлт  боловсруулж байна. Бизнес эрхэлж байгаа хувь хүн аж үйлдвэрийн ач холбогдолгүй болсон орд газарт  алт олборлохын тулд газар доорхи баялагийг ашиглаж болох тухай хуулийн өөрчлөлтийг эхний хэлэлцүүлгээр Төрийн дум дэмжлээ.

Энэ жилийн 4-р сард тэмдэглэх гэж байгаа сансарт анх удаа хүн ниссэний 50 жилийн ойг тохиолдуулан олон улсын киноны төслийг хэрэгжүүлж «Байконур» киног бүтээв. Энэ бол хайр дурлал, сансрын тухай уянгын домог юм.  «Байконур» гэсэн казах үг Юрий Гагарин гэдэг орос нэртэй хамт олон улсын хэлэнд оржээ.

Дэлхийн асуудлыг шийдвэрлэх талаар Умард Атлантын гэрээний байгууллага болох НАТО-гийн гишүүн орнуудын зэрэгцээгээр Орос, Хятад хоёр улс АНУ-ын чухал түнш орнууд мөн гэдгийг шинэ хувилбар нь нийтлэгдсэн Вашингтоны цэргийн стратегиэр баталсан байна. Тус баримт бичигт өгүүлэхдээ, АНУ Орос улстай тогтоосон хоёр талын яриа хэлэлцээ, цэргийн хамтын ажиллагааг хөгжүүлэхээр төлөвлөж байна.

Орчин цагийн дипломат ажилтан ямар байх ёстой вэ? Тэрээр ямар зорилтыг юуны түрүүнд биелүүлэх вэ? Ажлых нь эцсийн дүн юу  вэ? зэрэг асуултыг «Оросын дуу хоолой»  радиогоос ОХУ-ын ГХЯ-ны тэргүүн Сергей Лавровт тавьсан юм.

Оросын иргэний нисэх хүчин баялаг түүхтэй. Одоогоос 88 жилийн тэртээ Туполевын зохион бүтээсэн онгоц анхны байнгын нислэг хийж, зорчигчдыг Москвагаас Доод Новгородод амжилттай хүргэжээ. Тэр үеэс хойш Оросын нисэх хүчний хамтын нийгэмлэг ойн баяраа 2-р сарын 9-нд тэмдэглэдэг болсон билээ.

Казань хотод 2013 оны Универсиадын тоглолт явуулахад бэлтгэх явцдаа спортын болон тээврийн бүтцийг хөгжүүлж, орон сууцыг  засварлахаас гадна хотынхоо түүх соёлын төвийг хамгаалж, шинэчлэхэд хүчин чармайлт гаргаж байгаа юм. Казанийн түүхийн төв нь "Старо-Татарская слобода"   дүүрэгт оршиж байгаа учраас чухам энэ дүүрэгт дархан цаазтай газар байгуулахаар шийдсэн байна.