Хятадын эрх баригчид хүчтэй хар салхины аюулаас болж Шанхайн 200 мянга орчим оршин суугчийг нүүлгэсэн тухай өнөөдөр хятадын цаг уурын судлалын албанаас мэдээлэв. Бас 130 мянган хүнийг Шанхайгаас өмнө Жэзян мужаас нүүлгэжээ Тус муж өнөө орой буюу маргааш өглөө хар салхинд нэрвэгдэнэ гэж таамаглав.

Террорын эсрэг орос-энэтхэгийн «Индра-2012» сургууль өнөөдөр Буриадын «Бурдуны» буудлагын талбарт эхлэнэ. 500 орчим цэргийн албан хаагч ба 50 нэгж зэвсэг техник түүнд оролцох тухай Буриадын засгийн газрын хэвлэл мэдээллийн албанаас мэдээлэв. «Индра» цуврал сургууль 2011-2020 оны Москва,Дели хоорондын цэрэг-техникийн хамтын ажиллагааны урт хугацааны хөтөлбөрийн хүрээнд явагддаг.

Ази Номхон далайн эдийн засгийн хамтын ажиллагааны байгууллагын гишүүн орнуудын холбоо, мэдээлэл зүйн сайд нар Санкт-Петербургад уулзаж, ойрын хэдэн жилд салбараа хамт хөгжүүлэх бодлогыг боловсруулж эхэллээ. Өнөөдөр зөвлөлгөөн 2012 онд Орос улсаас АНДБН-ийн эдийн засгийн хамтын ажиллагааны байгууллагын форумыг даргалах ба Владивостокод болох байгууллагын дээд хэмжээний уулзалтыг бэлтгэх хүрээнд нээгдлээ.

Сүүлийн өдрүүдэд Филиппинд болсон хүчтэй үерийн улмаас 53 хүн амь эрсэдсэн тухай мягмар гаригт орон нутгийн эрх баригчид мэдэгдэв. Усархаг борооны улмаас гарсан үерт Манилын амьдрал зогсоход хүрээд байна: хотын хороллуудын тэн хагас нь усанд автагдаж, тээврийн хөдөлгөөн зогсч, тус улсын төрийн болон хувийн олон байгууллагууд ажлаа зогсооход хүрчээ.