Иргэний олон үндэстний зөвшөлцөөн нь ОУ-ын оршин тогнох нэг нөхцөл билээ. Орос үндэстний нэг угсаатны улс байгуулах үзэл санаа нь ОУ-ын түүхтэй харшлаж байна гэж “Независимая газета” сонинд нийтлүүлсэн “Орос орны үндэсний асуудал” өөрийн өгүүлэлдээ  ерөнхий сайд бичсэн байна.

«Цаг үе улирах тусам гуниг гутрал арилдаг» гэж францын яруу найрагч Жан Лафонтен бүр ХУ11 зуунд бичжээ. Цаг хугацаа бүхнийг эмчилдэг юм. Энэ үгийг якутын Хатико нохойн байдал нотлон харуулав.

“Miss Asia Moscow” олон улсын уралдааны интернет санал хураалтад Москвагийн Хэл шинжлэлийн их сургуулийн оюутан нүүрийн баясгалантай, зорилго эрмэлзэлтэй Цогтномин түрүүлж байна. Тэрээр гуравхан цагын дотор 10 мянган санал авч уралдааныг тэргүүлсэн байна. Өнөө өглөөний байдлаар Цогтномин бүх саналаа өгөгсөдийн 38%-ийг эзлээд байна. Энд монголын хакерууд нөлөөлсөн байж магадгүй гэж мэргэжилтнүүд үзэж байна.

Хятад улс хаврын баяр шинэ жилээ тэмдэглэж байна. Хятадууд 1-р сарын 28-нд хүртэл баяраа тэмдэглэх юм байна. Тус улс даяараа хэдэн мянган баярын салют буудсан урьд шөнө өнгөрсөн жилийн хамгийн дуулиантай шөнө боллоо. Бээжинд шөнө дунд өдөр мэт гэрэлтэй байлаа. Гудамж талбайнуудыг өнгө өнгийн дэнлүүгээр чимэглэсэн байна. Энэ өдрүүдэд хятадууд төрөл төрөгсөдтэйгөө уулзалдахыг хичээдэг юм.