Арабын Эмирүүдийн Нэгдсэн улсад өнөөдөр нээгдсэн  “Ирээдүйн эрчим хүчний асуудлаарх бүх дэлхийн дээд хэмжээний уулзалт” нэртэй олон улсын эрчим хүчний 5-р бага хурал хүрээлэн байгаа орчин болон эколог, сэргээгдэх эрчим хүчний хөрөнгө оруулалт зэрэг асуудалд зориулагдаад байна.

Новосибирск хотын амьтны хурээлэнд муурын үүлдрийн амьтан олон. Одоо ягуар буюу шар ирвэсийн гурван зулзага нэмэгдлээ. Эр ба хоёр эм ягуар энд байгаа. Хоёр настай эр ягуар(шар ирвэс) германы Дортмунд хотоос, зургаан настай эм Москвагаас өмнө 400 км зайтай оршдог Липецкийн амьтны хүрээлэнгээс Новосибирскад шилжсэн юм. Шар ирвэс сөнөх даваанд хүрсэн учир дэлхийн Улаан номд бүртгэгдсэн байна.

ЗХУ задарснаас хойшхи гүн хямралаас ОУ гарлаа. Улс орныхоо хөгжлийн нийгэм, эдийн засгийн үндсэн үзүүлэлтүүдийг хэлэлцэж “Известия” сонинд өгсөн ярилцлагынхаа  үеэр ерөнхий сайд В.Путин ингэж мэдэгдлээ. Улс орон эдийн засгаа тохируулах ёстой хүн амын болон залуучуудын боловсролын өндөр түвшин ОУ-ын итгэл найдвар юм гэж тэр хэлсэн байна.

БНАСАУ-ын нийслэл Пхеньян хотод америкийн мэдээлэлийн Ассошиэйтед пресс /АП/  агентлагийн товчоо нээгдлээ. Нээлтийн ёслолын ажиллагаанд оролцсон АП агентлагын удирдагч Томас Керли манай агентлаг БНАСАУ-д болж байгаа үйл явдлыг Пхеньянаас шууд дамжуулах түүхэн боломжтой боллоо гэж тэмдэглэлээ.

Казахстаны парламентын доод танхимд албан ёсны урьдчилсан мэдээгээр 3 нам орох болсон ба ерөнхийлөгчийн талыг баримталдаг “Нур Отан” нам түрүүлж байна. Энэ намын төлөө сонгогчдын 80% нь саналаа өглөө гэж СЕХ-ны дарга Куандык Турганкулов өнөөдөр сэтгүүлчидэд мэдээллээ. Иргэдийн 7,46% нь дэмжсэн “Ак Жол” нам 2-т орсон байна.

Энэ жилээс эхлэн орос-монголын хилийг ачааны машин, хөнгөн тэрэг, автобусаар давхад илүү хурдан, хялбар болно. Энэ тухай “Өмнө Байгал”  Холбооны автозамын удирдах газрын хариуцлагатай ажилтануудын нэг   Сергей Савин бидэнд ярихдаа, орос-монголын хилийн хамгийн том  “Хиагт-Алтанбулаг” олон улсын авто машины шалган нэвтрүүлэх боомтыг /ОАШНБ/ засварлах гэж байна.

Өнгөрсөн долоо хоногийн сүүлчээр ОХУ-ын Хойд Кавказын БН Чечен улсад “Грозный-сити” цогцолборын барилгачид цалингаа авахын тулд жагсаал хийсэн байна. Яг энэ жагсаалтай зэрэгцээд дагестаны Гимра суурингийн оршин суугчид алан хядах ажиллагааны эсрэг  дэглэмийг өөрчлүүлхийн тулд бас жагссан байна.

ОХУ-ын ерөнхийлөгчийн сонгуулийн үеэр сонгуулийн явцыг шууд дамжуулах веб-камеруудыг тоноглох ажил 1-р сарын 16-наас эхлэнэ. ОХУ-ын холбооны яамны орлогч сайд Илья Массухын хэлснээс иш татан “Интерфакс” агентлаг өнөөдөр ингэж уламжиллаа.