Дэлхийн хамгийн том мөс хагалагч цөмийн хөлгийг Санкт-Петербургийн “Балтийский” завод барьж байгуулна. Уг ажлыг наймдугаар сард эхлэнэ гэж “Росатомфлот” үйлдвэрийн ерөнхий захирлын орлогч Станислав Головинский хэвлэлийн бага хурал дээр мэдэгдэв. Дэлхийд анх удаагаа Хойд мөсөн далайд хөл тавьсан “Арктика” хөлгийн нэрээр шинэ хөлгийг барьж байгуулах санал ирсэн.

Оросын Цэргийн зэвсэгт хүчний /ЦЗХ/ шинэчлэлийн урт хугацааны төлөвлөгөө нь Су-35 болон тавдахь үеийн Т-50 сөнөөгч хоёр төрлийн онгоцтой холбоотой юм. Су-35 сөнөөгч онгоцны цуврал үйлдвэрлэлтийг эхлэх, харин 2015 оноос хойш Оросын ЦЗХ Т-50 тав дахь үеийн сөнөөгч онгоцнуудыг хүлээн авах боломжтой гэж ОХУ-ын ЦЗХ-ний ерөнхий командлагч Виктор Бондарев мэдэгдсэн юм.

Өчигдөр «Кьюриосити» сансрын багажаас анхны өнгөт гэрэл зургийг Ангараг гаригаас дэлхийд уламжлав. Түүнийг америкийн сансрын агентлагийн сайтад нийтлэв. Чулуурхаг улаавтар элсэн цөл гэрэл зурагт тусгагдсан байна. Ар дэвсгэрт нь Гейлан галт уулын цар харагдана. Сансрын багаж буух үеэрээ тоос бужигнуулсан учир гэрэл зураг тод биш байна.