Венесуэлын ерөнхийлөгч Уго Чавес Сирийн ерөнхийлөгч Башар Асадын засгийн газрыг Каракас хөдөлбөргүй дэмжихийг ерөнхийлөгчийн сонгуульд ялсныхаа дараагаар батлан илэрхийлэв. Чавес Венесуэлын нийслэлд хэвлэлийн бага хурал дээр үг хэлэхдээ Асадын засгийн газар бол Сири улсын хууль ёсны засгийн газар мөн гэж онцлов. Тэрээр Сирид болж байгаа үйл явдлуудын талаархи Орос Хятад хоёр улсын байр суурийг өндөр үнэлэв.

Сири улсын асуудлаарх НҮБ болон АОЛ-ийн тусгай төлөөлөгч Лахдар Брахими ойрын үед Дамаскт очно гэж ОХУ-ын ГХЯ-ны сайд Сергей Лавров сэтгүүлчидэд өнөөдөр мэдэгдлээ. Үүний дараа Брахими “Женевийн зөвшилцөөний” үндсэн зүйл ангийг тооцон үзсэн сирийн зохицуулалтын шинэ санааг боловсруулахаар бодож байна гэж Лавров хэлсэн байна. Брахими Москвад хүрэлцэн ирнэ гэж амалсан ба товыг сүүлд зөвшилцөх болно.

НҮБ-ын Ерөнхий нарийн бичгийн дарга Бан Ги Мүн Дамаскад хүмүүсийг хэлмэгдүүлсэн террорын ажиллагааг буруушаав. НҮБ-ын тэргүүний хэвлэлийн албаны ажилтны тэмдэглсэнчилэн Бан Ги Мүн Сирид хүч хэрэглэх ажиллагаа гаарч, терроризмд таатай нөхцөл бүрдүүлж байгаад сэтгэл гүнээ түгшиж байна. Тэрээр сирийн мөргөлдөөнд татагдан оролцож байгаа бүх талд хандан улс төрийн өөрчлөлт, яриа хэлэлцээ өөд урагшлахыг уриалав.

НҮБ-ын АЗ НАТО-гийн командлалын дор ажиллах олон улсын хүчнийг Афганистанд байлгах хугацааг нэг жилээр сунгсан тухай НҮБ-ын албан ёсны төлөөлөгч Матин Несирки сэтгүүлчдэд мэдээллээ. Өчигдөр НҮБ-ын АЗ-ийн батласан тогтоолын дагуу Афганистаны аюулгүй байдалд туслах олон улсын хүчин 2013 оны 10-р сарын 13 хүртэл тус улсад байх болно.

Япон улс Хятадын сангийн сайд Се Сюйжэнь Токиод ОУВС, Дэлхийн банкны намрын чуулганд оролцохгүй байгаад гүнээ харамсаж байна гэж Сайд нарын танхимын ерөнхий нарийн бичгийн дарга Осаму Фузимура мэдэгдэв.Албан ёсны хулбараас харахад хятадын сайд 2ажлы нь цаг хуваар маш шахуу» учир Токиод очоогүй.

Удахгүй Иран улс ба МАГАТЭ Тегераны цөмийн хөтөлбөр энх тайван зорилготойд дэлхийн хамтын нийгэмлэгийг итгүүлэх зорилгоор оновчтой яриа хэлэлцээг сэргээнэ гэж Москва найдаж байна. Агентлаг ба Иран улс ээлжит хэлэлцээ 10-р сард хийж мэднэ гэсэн МАГАТЭ-гийн ерөнхий захирал Юки Аманогийн мэдэгдлийг Оросын ГХЯ-ны хэвлэл мэдээллийн газраас ингэж тайлбарлажээ.

Өнөөдөр ОХУ-ын БХ-ын сайд Анатолий Сердюков Энэтхэг орохоор мордов. Тэрээр орос-энэтхэгийн цэрэг-техникийн хамтын ажиллагааны засгийн газар хоорондын комиссын хуралдаанд оролцоно. «Адмирал Горшков» хүнд нисэх онгоц тээгч хөлөг онгоцыг засварлах, шинээр тоноглох болон Энэтхэгийн Тэнгисийн цэргийн хүчинд харуулын хөлөг онгоц үйлдвэрлэх асуудал хэлэлцээний гол сэдэв болно.

НАТО-гийн Ерөнхий нарийн бичгийн дарга Андерс Расмуссен түрк-сирийн хилийн будлиантай холбогдуулан бэлтгэсэн Түркийн талаархи эвслийн төлөвлөгөөг тодорхойлж ярихаас татгалзав. «Түркийг хамгаалах шаардлага гарвал хэрэглэх төлөвлөгөө эвсэлд бий» гэж Расмуссен өчигдөр Брюссельд НАТО-гийн гишүүн 28 улсын БХ-ын сайд нарын хоёр өдрийн уулзалт нээгдэхийн өмнө мэдэгдсэн билээ.

Хятадын сангийн яам, Төв банкны тэргүүн нар Олон улсын валютын сан, Дэлхийн банкны чуулганд оролцохгүй байгаад Япон улс харамсаж байна гэж өнөөдөр японы засгийн газрын Ерөнхий нарийн бичгийн дарга Осаму Фузимура хэвлэлийн бага хурал дээр мэдэгдлээ. Сангийн яам, Төв банкны дэд тэргүүн нар Хятад улсыг Токиод хуралдаж байгаа ОУВС, Дэлхийн банкны чуулганд төлөөлж байна.