Сүүлийн үед Хятадын армийн удирдлага намын удирдлагуудаас хараат бус байдлаа улам илүү харуулах болжээ. Энэ тухай Токиод тараасан жил тутмын батлан хамгаалахын илтгэлд дурджээ. Япон улсад уламжлал ёсоор жил бүр хэвлэгддэг батлан хамгаалахын асуудлын Цагаан номонд хятадын зэвсэгт хүчний техникийн дэвшилтүүдийг жагсаажээ. Энэ удаа японы шинжээчид хятадын армийн улс төрийн үүргийн тухай бас сануулжээ.

Япон улс Алс Дорнодод Оросын цэргийн ажиллагаа идэвхжснийг тэмдэглээд Хятадын эзэмшлийг няцаахад бэлэн байгаага илэрхийлэв. Японы БХЯ-ны жил дутмын илтгэл үүнийг тусган харууллаа. Илтгэлийн тусгай хэдэн бүлгийг Орос, Хятад болон хоёр Солонгос улсыг оролцуулан бас зургаан улсад зориулжээ. Москва дэлхийн нөлөө бүхий туйлын хувьд байр сууриа бэхжүүлсээр байна гэж Японы батлан хамгаалах яамны Цагаан номд өгүүлжээ.

Сирийн эсрэг зэвсэгт тэмцэл хийж байгаа сөрөг хүчний төлөөлөгчид анхны хэдэн зөөвөр зенит-пуужингийн цогцолбор авчээ. «Ройтор» агентлагийн мэдээлснээр засгийн газрын эсрэг Сирийн чөлөт армийн дайчид Түрк улсаас ийм бараг 20 цогцолбор аваад байна. Ямар ангилалын зенит-пуужингийн цогцолбор босогчдод нийлүүлсэн тухай мэдээлээгүй. Сирийн засгийн газрын цэрэг томоохон Алеппо хотод зэвсэгт сөрөг хүчний эсрэг ажиллагаагаа үргэлжлүүлж байна.

Иран болон “Аль-Каида” олон улсын хамтын нийгэмлэгт илүүтэй террорист аюул заналхийлэл төрүүлж байна. Энэ тухай АНУ –ын төрийн департаментын 2011 оны терроризмын асуудлаар гаргасан жил тутмын илтгэлд өгүүлжээ.

Умард Солонгосын удирдагч Ким Чен Ын гадаадын анхны айлчлалаа Хятад улсад хийх бодолтой байна гэж өнөөдөр Лондоны «Дейли телеграф» сонин өмнөд солонгосын хэвлэл мэдээллийн хэрэгслийн мэдээллийг үндэслэн бичжээ. ХКН-ын ТХ-ны олон улсын хэлтсийн дарга Ван Зяжуй даваа гаригт Пхеньянд хүрэлцэн очсон тухай сонинд тэмдэглэсэн байна.

ОХУ-ын ерөнхийлөгч Владимир Путин Далай лам Орос улсад айлчлах боломжийн тухай асуултад шууд хариулахаас зайлсхийсэн боловч «энэ чиглэлээр ажиллахад бэлэн байгаагаа» илэрхийлэв. «Бид манай иргэд Халимагийн оршин суугчид Далай ламын аялалыг хүлээж байгааг ойлгож байна. Энэ чиглэлээр ажиллана» гэж ерөнхийлөгч «Селигер-2012» залуучуудын чуулга уулзалтад оролцогчийн асуултад хариулан тэмдэглэв.

НҮБ-ын ЕА-д БРИКС бүлгийн гишүүн орнууд Саудын Аравийн өрнөдийн хэдэн улстай хамтран боловсруулсан сирийн асуудлаархи тогтоолын төсөлд саналаа өгөхгүй гэж Бразили, Орос, Энэтхэг, Хятад, ӨАБНУ-ыг нэгтгэсэн бүлгийн эх сурвалжаас мэдэгджээ. Тогтоолын төсөл Дамаскын эсрэг хориг арга хэмжээ авч, ерөнхийлөгч Башар Асадыг огцоруулахыг уриалсан байна. Тогтоолын эх бичгээр маргааш 8-р сарын 2-нд санал хураана.