2-р сарын 11 ний бямба гаригт шилжих шөнө Хятадын Интернетэд Хятад улсад Ким Чен Ыныг хороогдсон тухай мэдээ гарч иржээ. Шуугиан тарьсан мэдээний эх сурвалж нь хятадын Sina Weibo  Интернет сүлжээ болжээ. Мэдээлэлтэй холбогдуулан сүлжээнд хойд солонгосын удирдагч нууцаар айлчлал хийхээр  ирээд  Бээжингийн  БНАСАУ-ын ЭСЯ-ны дэргэд алагдсан  гэжээ.

Сирийн ГХЯ  өнгөрсөн шөнө НҮБ, Исламын хамтын ажиллагааны байгууллага болон АОЛ-д Алеппо хотод гарсан алан хядах ажиллагаатай холбогдуулан илгээлт явууллаа.  Баримт бичигт Сирид өрнөдийнхний болон арабын орнуудын  дэмжлэгчтэй  алан хядагчид гэмт хэргүүд  үйлдэж байна гэж дурьджээ.

Иран хэзээ ч  Өрнөдийн хүчний дарамт шахалтанд  орохгүй. Энэ тухай өнөөдөр гаригт Исламын БНУ-ын ерөнхийлөгч Махмуд Ахмадинежад  Тегеранд Ираны исламын хувьсгалын 33 жилийн ойн баярыг  тохиолдуулан   олон мянган хүн оролцсон цуглаан дээр хэлжээ.

Сири улс өөрт тулгамдсан асуудлуудыг гадны дарамт шахалтгүй шийдэх ёстой, шийдэж ч чадна. НҮБ-ын АЗ Сирийн мөргөлдөөний аль нэг талд хэрхэвч орж болохгүй юм. Энэ тухай оросын парламентын доод танхимын депутатуудын мэдэгдэлд дурьджээ. Бүх жигүүрүүдийн дэмжсэн уг баримт бичигт депутатууд гадны хүчин оролцож  “ливийн хувилбарыг “давтахгуй байхыг уриалж байна.

АНУ- ын АЦН хүчин  байлдааны болон  цэргийн тээврийн онгоцнуудынхаа  Персийн булан руу хийх  нислэгийн тоог сүүлийн долоо хоногт нэмэгдүүлэв. Энэ тухай израилийн ХМХ-үүд баттай эх сурвалжаас мэдээлжээ.

Ливи улсад 2011 онд болсон үйл явдал болон Сири улсад болж байгаа өнөөгийн байдал хоёрыг адилтгаж болохгүй гэж ОХУ-ын Батлан хамгаалах болон гадаад бодлогын зөвлөлийн дарга Сергей Караганов үзэж байна. Сири улсад болж байгаа үйл явдал өөрийн гэсэн зохицлоор хөгжиж байгаа гэж тэрээр ярьсан байна.

АНУ-ын тусгай албаныхан Хойд Солонгосын  удирдагч Ким Чен Ыны нас барсныг гэрчлэх нотолгоо олохгүй байна. Интернетийн Твиттер   дээр түүнийг алагдсан тухай идэвхитэй цуурсан юм. CNN  дамжуулснаар, иим цуурхал тарж буйг  мэргэжилтэнүүд хоёр долоо хоног ажиглаж байна гэжээ.

БНАСАУ -ын удирдагч Ким Чен Ыныг хороогдсон тухай мэдээлэл Интернетад идэвхитэй таржээ. Уг мэдээлэл эхлээд  хятадын “Сина Вейбо”  микроблог дээр   гарч иржээ.  Нэгэн хэрэглэгч Хятад дахь БНАСАУ ын ЭСЯ-ны дэргэд    хойд солонгосын удирдагчийн аминд халдсан гэж бичжээ.

Африкийн холбооны  зуучилсны үр дүнд   Судан болон өнгөрсөн жил байгуулагдсан Өмнөд Суданы хооронд харилцан дайтахгүй    тухай гэрээнд гарын үсэг зурлаа. Баримт бичиг  хилийн бүсийн нефть олборлолт болон транзиттэй холбоотой хоёр орны  хурцадмал байдлыг бууруулахад чиглэгдсэн юм.

Саудын Арабын төлөөлөгчид баасан гаригт НҮБ-ын Ерөнхий ассамблейд Сирийн асуудлаар шинэ тогтоолын төсөл өргөн барьлаа. Уг баримт бичигт тус улсад цус урсгахыг зогсоохыг шаардсан АОЛ  Орос, Хятад  улсын хориг тавьсан төлөвлөгөөний агуулгыг  ” бүрэн дүүрэн дэмжисэн” аж.  Энэ тухай Рейтер агентлаг дипломат эх сурвалжийн мэдээг иш татан уламжлав.