Япон улс нь харьяа  “хойд нутгийнхаа” / ингэж тэд оросын “Курилын цуваа арлуудыг нэрлэдэг байна / асуудлыг яриа, хэлэлцээгээр шийдвэрлэхээр зорьж байна.  Энэ тухай  Японы ГХЯны тэргүүн Седзи Маэхара өнөөдөр цуваа арлуудыг нисдэг тэргэнээр тойрохдоо мэдэгджээ. Дэлхийн хоёрдугаар  дайны дүнгээр тэр үеийн ЗХУ-д Курилын дөрвөн арал шилжисэн юм.

Киргизийн Парламент шинэ эвслийг бүрдүүлэх яриа, хэлэлцээгээ 12-р сарын 6 ны  даваа гаригт эхэлнэ гэж “-ерөнхийлөгч Роза Отунбаевагийн энэ асуудлыг даалгасан  “Республика” намын төлөөлөгч мэдэгдлээ. Урьд байсан эвсэл “ Республика” социал-демократ болон “Ата-Мекен” нам нь өнгөрсөн баасан гаригт парламентын тэргүүнээ сонгож чадалгүй тарсан байна.

Орос улсын ерөнхийлөгч Дмитрий Медведев Израиль улсад гарсан гал түймэрт нэмэлт хүч явуулах захирамж гаргалаа. Орос улсын ерөнхийлөгч уг захирамжийг Оросын  Онцгой байдлын яамны тэргүүн Сергей Шойгуд өгчээ. Энэ үед Орос улсын  Онцгой байдлын газрын онгоцнууд гал дүрэлзэж байгаа Израилийн Хайфа хотын ойролцоо гурав дахь өдрөө галыг сөнөөхөөр шургуй ажиллаж байна.

АНУ-ын ерөнхийлөгч Барак Обама  баасан гаригт  Афганистан улсад хийсэн урьдчилан  зарлаагүй айлчлалынхаа үеээр америкийн олон өндөр албан тушаалын түшмэлүүдтэй уулзаж, афганистаны ерөнхийлөгч Хамид Карзайтай утсаар ярилцаж, америйкийн цэргийнхний өмнө үг хэллээ гэж бямба гаригийн шөнө Рейтер мэдээллээ.