Норвегийн Магнус Карлсен Энэтхэгийн Вишванатан Анандтай Энэтхэгийн Ченнайд болдог шатрын дэлхийн аваргын тэмцээний титмийг урьдчилан хүртлээ. Карлсены цагаанаар тоглосон 10 дахь ергийн 65 дахь нүүдэл тэнцэж, үүний дараа Ананд дэлхийн аваргын титмээ хадгалах боломжоо алдсан байна.

12 өргөөр төлөвлөгдсөн шатрын титмийн төлөө тэмцээнд 6,5:3,5 харьцаатайгаар Карлсен ялжээ. 11-р сарын 30-нд 23 нас хүрэх Карлсен 2002 онд Дэлхийн шатрын холбооны мастер болсон юм. 2004 оны 4-р сард тэрбээр гроссмейстер болж, шатрын түүхэн дэх энэ цолыг хүртсэн хамгийн залуу шатарчдын жагсаалтад 3 дахь нь болжээ.