Хил орчмын Кэсон дэх солонгос дундын аж үйлдвэрийн цогцолборын ажлыг сэргээх асуудлаар хэлэлцээ хийх санал умард солонгосын талаас өмнөд солонгосын албаны хүмүүс ба үйлдвэрлэл эрхлэгчдэд оруулсан тухай эх орноо эв зүйгээр нэгтгэхийн төлөө умард солонгосын хороо мэдээллээ. Үүнийг эвлэрэх замаар Умард Солонгосын хийсэн алхамын нэг хэмээн үзэж болно гэж ИТАР-ТАСС агентлаг өмнөд солонгосын «Йонхап» агентлагийн мэдээллээс иш татан уламжилжээ.

Тус хорооны төлөөлөгчийн мэдэгдсэнчилэн Умард Солонгос Кэсоны аж үйлдвэрийн цогцолборын ирээдүйн асуудлаар хэлэлцээ хийж эхлэхэд бэлэн байна. Тус цогцолбор Умард, Өмнөд Солонгосын эдийн засийн харилцан ажиллагааны цорын ганц жишээ билээ. Хорооны хэвлэлийн нарийн бичгийн даргын хэлснээр цогцолборт хамаатай өмнөд солонгосын бизнесийн төлөөлөгчид материал-техникийн хангамжийн болон өөр асуудлыг судлахаар цогцолборын дэвсгэр нутагт очих төлөвлөгөөг сайшаажээ. Тэдний аюулгүй байдлыг Кэсонд очих үеэр баталгаатай хангана.

Урьд Сөүл аж үйлдвэрийн цогцолборын ажлыг сэргээх асуудлаар засгийн газрын хэмжээнд ажлын хэлэлцээ хийхийг Пхеньянд санаачилсан билээ. Гэвч Умард Солонгос татгалзаж, эхлээд тулгуур тухайлбал АНУ-тай хамт цэргийн сургууль Өмнөд Солонгост явуулах асуудлыг шийдвэрлэхийг БНСолонгос Улсаас шаарджээ.