Халимгийн гол сүм “Будда Шакьямунийн алтан сүмд” Монгол, Халимаг улсуудын буддын сүм хийдийн тэргүүнүүд хамтран ном хурж буддын ариун сарын эхлэлийг тэмдэглэлээ. Монгол улсын Гандан тэгчлэн хийдийн тэргүүн хамба Дэмбэрэлийн Чойжамц ОУ-д албан ёсны айлчлал хийж байгаа Монгол улсын ерөнхийлөгч Цахиагийн Элбэгдоржийг дагалдан яваа төлөөөгчдийн бүрэлдхүүнд багтаж Элстэйд ирсэн юм. Халимаг улсын гол сүмд хамба лам Дэмбэрэлийн Чойжамцтай уулзах гэж халимагийн шашны болон халимагийн буддын шашинтнуудын төвийн төлөөлөгчид болон маш олон сүсэгтнүүд хүрэлцэн ирсэн байна. Халимагууд бол 400 жил ОУ-ын нутагт амьдарсан ойрд монголчууд юм гэж Халимагийн тэргүүн хамба Тэло Тулку Ринбүчи мэндчилгээндээ өгүүлсэн байна. «Асар урт хугацаа өнгөрсөн боловч бид Монгол улстай оюуны хэлхээ холбоогоо таслаагүй бөгөөд 21-р зуунд энэ холбоогоо улам бэхжүүлэн хөгжүүлэх болно» гэж Халимагийн буддын шашны тэргүүн мэдэгдсэн байна. Баяр ёслолын уншлага дуусны дараа  “Будда Шакьямунийн алтан сүмийн” саруул сайхан танхимд цугларсан халимагийн буддын шашинтнууд Монгол улсын тэргүүн хамба  Дэмбэрэлийн Чойжамцаас адис хүртсэн байна. “Будда Шакьямунийн алтан сүмд” цугларсан сүсэгтнүүд  Халимаг улсад ихэд шүтэн биширдэг хамба лам  Дэмбэрэлийн Чойжамцаар дамжуулан монголын буддын шашинтнуудыг хүндэтгэж байна гэж  Тэло Тулку Ринбүчи хэлсэн байна.